Transcription
1
Monsieur, jarrivay en ceste ville hyer, dernier de janvier, au soyr,
2
ayant seiourné à Chambery dix bons jours plus que je ne pensoys.
3
Soudeyn que je fus en mon logis, monsieur de La Tivolière me
4
vint voyr et me communicqua ce que luy escriviés concernant La Balme.
5
Nous fusmes touz deux dadvis de ny toucher que monsieur
6
de Monestier ne feut de retour, qui aura moyen de conduyre
7
ce faict dextrement. Bien tost après, je receus votre pacquet
8
du XX. Jay faict rendre voz letres à messieurs de St
9
André et du pays, envoyé le sien à monsieur de monsieur de Laborel,
10
auquel jay aussi escript et faict tenir une copie de la
11
letre du roy du XX. Jen ay faict de mesmes au sieur
12
de Rame. Je vous remercie humblement la poyne que
13
renés pour moy comme jay veu par lextraict de la letre
14
de monsieur de Veynes [i.e. : Evènes] auquel jescriray ung mot de
15
remerciement dans ung jour ou deux. Jay veu à Chambon
16
monsieur le president Miliet à son retour de Losane
17
et mha asseuré quen tout le païs des Ligues ne
18
se parle de levée ou menée au prejudice de sa majesté
19
et madvertira sil survient quelque chose. Jeusse bien
20
presté encores deux jours à mon hostesse de Chambon,
21
si jeusse penser voyr le duc d’Albe, mès la goute
22
la arresté pour quelques jours à Lyon [i.e. : Lons] le Sonier. Monsieur
23
de Gargas a excript une letre à messieurs de la cour
24
que trouverés cy dedans. Je croy que ces tassés pour ceste
25
première venue, si ce nest de prier le Createur,
26
monsieur, vous voloyr doner en sela heureuse et longue
27
vie. De Grenoble, ce premier de fevrier 1574
28
Votre très humble et obeissant
29
serviteur g deportes